Eldon Kuqi, 22-vjeç nga komuna e Deçanit, ka humbur jetën dje në mënyrë tragjike në Grykën e Deçanit.
Ndërkaq, Policia e Kosovës ka bërë të ditur se viktima ka ndërruar jetë në spital pas lëndimeve të marra në bjeshkë.
Sipas raportit 24 orësh të Policisë së Kosovës, pas konstatimit të vdekjes nga ekipi mjekësor, trupi i pajetë është dërguar në autopsi.
“Viktima gjersa ishte duke punuar në pyll, është lënduar dhe është dërguar për tretman mjekësor në spitalin e Pejës. Si pasojë e lëndime të rënda trupore, viktima ka ndërruar jetë. Vdekja është konstatuar nga ekipi mjekësor dhe trupi i pajetë është dërguar në autopsi”, thuhet në raport.
Sipas policisë, në koordinim me prokurorin e shtetit pas intervistimit të dëshmitarëve dhe shikimit të vendit të ngjarjes janë gjetur elemente të veprës penale dhe një i dyshuar është arrestuar dhe me vendim të prokurorit është dërguar në mbajtje. /Telegrafi/