Fenomenit të zgjerimit ilegal dhe të rrezikshëm të hapësirave të banimit në objektet kolektive banesore nuk i janë shmangur as qytetarët e Prizrenit.
Në rrjetet sociale kanë filluar të qarkullojnë imazhe të banesave teksa po shtohen aneks ndërtime.
Një e tillë është edhe në lagjen më të madhe në Kosovë, Ortakoll, ku shihet se si janë vendosur skelet afër objektit banesor.
Në këtë ndërtesë tashmë kanë ndodhur rastet e aneksve -shtimit të ballkoneve edhe në të kaluarën, çka mund të vërehet edhe në fotografinë e postuar më poshtë.
Ndryshe, kryetari i Komunës së Prizrenit, Mytaher Haskuka, gjatë fushatës për të parin e qytetit kishte premtuar se nuk do të lejohet prishja e imazhit të qytetit me mbindërtime. /Telegrafi/
