Çmimi i naftës ka rënë e gjithashtu edhe çmimi i shtepive në Amerikë rreth 15 përqind, krahasuar me të njëjtën kohë vitin e kaluar. Por përse po shtohet numri i shtepive të pashitura?.
Shitësit e shtëpive thonë se gjërat po ndryshojnë.
Njëri prej tyre, Robert Houell, thotë se shitjet e shtepive ekzistuese u shtuan 3 përqind muajin e kaluar.
“Është një kërkesë e madhe dhe e ndrydhur, njerëzit nuk kanë blerë dy vitet e fundit. Ky grup kërkon të blejë”.
Megjithë rritjen e vogël të shitjeve, ekonomistët thonë se tregu i shtëpive vazhdon të përpëlitet.
Eksperti Mark Zandi fajëson për këtë tregun financiar dhe tregon shqetësim për koston e lartë të ngrohjes së shtëpive gjatë muajve të dimrit.
"Këto çmime të larta energjie janë një barrë e rëndë në ekonominë e dobët. Mund të jetë ndryshimi mes një ekonomie në rritje dhe një ekonomie që nuk njeh rritje”. thotë ai
Por Zandi thotë se pjesa më e rëndë e krizës së shtëpive mund të jetë kapërcyer në disa pjesë të vendit. Disa analistë bankarë parashikojnë se tregu i shtëpive mund ta marrë veten në pjesën e parë të vitit 2009. /VOA/