Në Qendrën për trajnime të URM-së në Pepelishtë në komunën e Negotinës do të realizohet sot skenar për përmbytje në Maqedoni në kuadër të ushtrimeve ndërkombëtare ”MODEX 2017”, përcjell Telegrafi Maqedoni.
Aktiviteti organizohet nga Drejtoria për mbrojtje dhe shpëtim dhe Mekanizmi për mbrojtje civile pranë Bashkimit Evropian.
Sipas AIM-së, në këto ushtrime marrin pjesë ekipe nga Italia, Austria, Rumania, të cilët janë të pajiosur me spitale me salla operacionale. Në ushtrime do të marrin pjesë edhe ekipe të ndihmës së shpejtë nga Drejtoria dhe rreth 150 statistë.
”MODEX 2017” ka filluar më 16 qershor dhe do të zgjatë deri më 20 qershor. Ushtrimet do të shërbejnë për të verifikuar se si funksionon shteti në raste të pranimit të ekipeve ndërkombëtare të ftuara nga pala vendore dhe si funksionojnë ekipet gjatë rasteve të këtilla./Telegrafi/