Kryetari i Komunës së Zhelinës Blerim Sejdiu, informon se së bashku me drejtorin e NP “Rrugët shtetërore” Zoran Kitanov, kanë inspektuar punimet për rikonstruimin e rrugës së vjetër Karpallëk – Zhelinë.
Sejdiu në Facebook shprehet i kënaqur që ky projekt përfundimisht po realizohet.
Ai gjithashtu apelon tek qytetarët që të reduktojnë lëvizjen në këtë rrugë për të mos penguar punimet.
“Ashtu siç paralajmëruam në një deklaratë të përbashkët me drejtorin e NP “Rrugët shtetërore” të Maqedonisë, z.Kitanov, për fillimin e punimeve të rikonstruimit/asfaltimit të rrugës së vjetër regjionale ‘Karpallëk – Zhelinë’, sot edhe zyrtarisht ishim në terren bashkë me realizuesin dhe përfaqësues të tjerë të Ndërmarrjes Publike për Rrugë Shtetërore, për të inspektuar ecurinë e punimve të kësaj rruge”.
“Më gëzon fakti që ky projekt përfundimisht po realizohet, ashtu siç kam insistuar vazhdimisht që të rregullohet kjo rrugë ngaqë është një rrugë mjaft e frekuentuar nga qytetarë, nëpunës shtetëror/administrativ, dhe e njëjta ishte mjaft e dëmtuar. Apelojmë deri tek qytetarët që të reduktojnë lëvizjen apo qarkullimin e automjeteve këtyre ditëve për të mos penguar punimet në terren, deri në rregullimin e plotë të kësaj rruge”, shkruan Sejdiu./Telegrafi/
Ashtu siç paralajmëruam në një deklaratë të përbashkët me drejtorin e NP "Rrugët shtetërore" të Maqedonisë, z.Kitanov,…
Publiée par Blerim Sejdiu – Komuna e Zhelinës sur Vendredi 4 septembre 2020