Grupi kuvendar për pajtim, reforma dhe integrim në Kuvendin e Republikës së Maqedonisë, mbledhjen e radhës do ta mbajë të mërkurën, njoftuan anëtarët e grupit.
Mbledhje e sotme e nëngrupit punues për pajtim u anulua për shkak të informacioneve të reja që janë të nevojshme për konsultimet shtesë në lidhje me zgjidhjen ligjore për amnisti për një pjesë të pjesëmarrësve në ngjarjet e Kuvendit më 27 prill vitin e kaluar, përcjell Telegrafi Maqedoni.
Kryesuesi i këtij nëngrupit, Zekir Ramçilloviq tha se do të informohet për vazhdimin e mbledhjes ku duhej të rregullohet Propozim-ligji për amnisti.
Në mbledhjen e sotme të këtij nëngrupi ishte i pranishëm edhe zëvendës-ministri i Drejtësisë, Oliver Risteski./Telegrafi/