Pesëmbëdhjetë alpinistë mund të jenë të zhdukur, thanë autoritetet, pas ‘shembjes’ së akullit, borës dhe shkëmbinjve në shtegun atraktiv në malin Marmolada të Dolomiteve.
Kërkimi për të mbijetuar pas kolapsit të akullnajës në të cilën të paktën gjashtë persona humbën jetën ka vazhduar në rajonin e Dolomiteve në Itali.
Autoritetet besojnë se rreth 15 persona vijojnë të jenë të zhdukur pasi që një copë e madhe e akullnajës së alpeve u thye gjatë pasdites të së dielës, dhe përplasi alpinistët me akull, borë dhe shkëmbinj në shtegun atraktiv të majës Marmolada. Nëntë persona kanë mbetur të lënduar nga aksidenti, transmeton Telegrafi.
Zëdhënësja e shërbimeve emergjente Michela Canova, për AFP tha se numri i përgjithshëm i alpinistëve të përfshirë në aksident mbetet i panjohur për shkak se akullnaja goditi shtegun hyrës në një kohë kur shumë njerëz gjendeshin aty, disa nga të cilët akullnaja “i mori me vete”.
Ajo nuk dha ndonjë informatë në lidhje me viktimat, por që mediat italiane raportuan se në mesin e tyre kishte viktima edhe nga kombësitë të tjera.
Gjatë mbrëmjes Trupat Kombëtare për Shpëtim në Alpe dhe Shpella, e postuan në Twitter një numër në të cilin mund të thërrasin familjarët ose miqtë e atyre që nuk janë kthyer nga udhëtimi i mundshëm tek akullnaja. /Telegrafi/