Komisioni Parlamentar për Financa dhe Buxhet ka vazhduar debatin për ribalancin e buxhetit.
Ajo që ngjalli debat ishin amendamentet e propozuara nga ish-deputetja e LSDM-së Monika Zajkova.
Ajo ka dorëzuar dy amendamente ku në njërin kërkon mjete për spitalin në Komunën e Zelenikovës dhe në tjetrin amendament kërkon gjinekolog në spitalin e njëjtë.
Reagoi Marija Petrushevska e cila tha se kjo është skandaloze, pasi Komuna e Zelenikovës nuk ka spital!
U përgjigj Daniella Nikollovska e LSDM e cila tha se vërtetë është skandal kjo kërkesë por kujtoi Petrushovskën se edhe ata disa vite më parë e kishin bërë një kërkesë të ngjashme për Lagjen Lisiçe.
Në fillim të seancës u tërhoq amendamenti i dorëzuar nga deputetët Jovanka Trençevska, Sanja Llukarevska dhe Oliver Spasovski, si dhe amendamenti i Frontit Europian prej ku kërkuan 60 milionë denarë për ndërtimin e sallës së sportit në shkollën fillore në Bogovinë.
Ndryshe debati në komision pritet që të përfundojë në fund të kësaj jave.