Të gjashtë partnerët e BE-së nga Ballkani Perëndimor – Maqedonia e Veriut, Shqipëria, Serbia, Bosnja dhe Hercegovina, Mali i Zi dhe Kosova kanë konfirmuar pjesëmarrjen e tyre në një marrëveshje të përbashkët për blerje të pajisje mjekësore dhe pajisje të tjera për t’u marrë me coronavirusin, tha sot Komisioneri Evropian për Zgjerimi, Oliver Varhelyi.
“Së bashku luftojmë kundër coronavirusit. Jam i kënaqur që të gjashtë partnerët në Ballkanin Perëndimor kanë konfirmuar pjesëmarrjen e tyre në marrëveshjen e përbashkët për blerje, ndërsa katër deri më tani kanë miratuar propozimin për “linjë të gjelbër” që do të sigurojë rrjedhën e ushqimit dhe ilaçeve”, shkruan në Twitter Varhelyi.
Më herët Bashkimi Evropian ka ndarë 66 milionë euro për Maqedoninë e Veriut për ballafaqim me gjendjen e coronavirusit./Telegrafi/
Fighting #coronavirus together! Pleased that all six partners from #WesternBalkans confirmed their participation in Joint Procurement Agreement and four so far adopted ‘green lines’ proposal of @EUWB6_TCT & #CEFTA to ensure flow of food and medicines. ?? ?? ?? ?? ?? ??
— Oliver Varhelyi (@OliverVarhelyi) April 2, 2020