Los Angeles Lakers është shpallur kampioni i ri në elitën e basketbollit amerikan NBA.
Skuadra ka fituar titullin e 17-të në histori të klubit, pasi kanë mposhtur pas gjashtë ndeshjeve Miami Heat me 4-2.
Me këtë rast, gruaja e basketbollistit të ndjerë, Kobe Bryant, Vanessa Bryant, ka reaguar me një postim në rrjetet sociale duke shprehur urimet e saj pas fitores.
"Congratulations Uncle P! Congratulations @Lakers Kobe was right, RP! "Stay the course blockout the noise." @kobebryant Wish Kobe and Gigi were here to see this."
– Vanessa Bryant congratulates Rob Pelinka pic.twitter.com/ZWRyaXcZdK
— ClutchPoints (@ClutchPointsApp) October 12, 2020
Lakers ndërkohë ia dedikuan këtë fitore Kobe, i cili së bashku me vajzën e tij, Gianna dhe shtatë persona të tjerë humbën jetën tragjikisht në një përplasje me helikopter në fillim të këtij viti.
Vanessa postoi një foto të Kobe dhe menaxherit të përgjithshëm të Lakers, Rob Pelinka, në Instagram pas fitores së Lakers ndaj Miami Heat.
“Urime xhaxha P. Urime për Lakers, Kobe kishte të drejtë. Sikur të ishin këtu Kobe dhe Gigi për ta parë këtë”, ka thënë ajo.
Për Lakers, ky ishte titulli i 17-të në histori të klubit dhe tani janë barazuar me Boston Celtics që kanë numër të njëjtë të titujve të fituar.
Pas lojës, super ylli i Lakers, LeBron James, tha se vdekja e Kobe e bëri ekipin ‘më të bashkuar’. /Telegrafi/
