Vandalët në Shtetet e Bashkuara kanë lënë gjak të rremë dhe u kanë prerë kokën derrave para shtëpisë të Kryetares së Dhomës së SHBA-së, Nancy Pelosi dhe Udhëheqësit të Shumicës së Senatit, Mitch McConnell.
Në shtëpitë e tyre ishin shkruar edhe mbishkrime shqetësuese. Vandalët lanë një mesazh “ku janë paratë e mia” në derën e shtëpisë së republikanit, McConnell në Kentucky, i cili vjen në mes të një beteje politike rreth një pakete të re të ndihmës për rimëkëmbjen pas pandemisë, transmeton Telegrafi.
Mitch McConnell’s Louisville home vandalized after blocking $2000 stimulus checks.
More: https://t.co/6DiCDKea8U pic.twitter.com/KVqZcPwS9N
— Complex (@Complex) January 2, 2021
“Nuk ka vend në shoqërinë tonë për vandalizëm dhe politikë të frikës”, tha McConnell.
Policia e San Franciscos ka raportuar se po heton një incident që ndodhi para shtëpisë së Nancy Pelosi, por ajo ende nuk e ka komentuar incidentin.
Nancy Pelosi's house was vandalized with $2k crossed-out and "Cancel Rent! We want everything!" 👀 pic.twitter.com/gS7tSPJQ3x
— Tamburlaine (@tamburlaine01) January 1, 2021
Kujtojmë se Dhoma e Përfaqësuesve të SHBA-së votoi javën e kaluar për të rritur ndihmën për individët nga 600 dollarë në 2,000 sosh, por Senati Amerikan i udhëhequr nga republikanët refuzoi ta bënte këtë, pavarësisht thirrjeve nga presidenti në largim, Donald Trump.
Pelosi ka pranuar propozimin e presidentit për të rritur kompensimin për individët, por republikanët e refuzojnë atë sepse ata besojnë se kjo do të çojë në një deficit. /Telegrafi/