Menaxheri i Manchester Unitedit, Louis van Gaal, ka pohuar se ekipi i tij në përballjen kundër Liverpoolit në Europa League duhet të fitojnë patjetër.
“Djajtë e kuq” do të ndeshjen me Liverpoolin në kuadër të garës evropiane për herë të parë në historinë e tyre.
Nesër do të zhvillohet ndeshja e parë në Anfield ndërsa ajo kthyese do të zhvillohet më 17 mars në Old Trafford, e cila edhe do të vendos se cila prej ekipeve do të vazhdojë në çerekfinale.
“Ju duhet të fitoni, në këtë rast dy ndeshjet”, ka thënë Van Gaal gjatë konferencës për medie.
“Nuk ka shumë dallim, edhe pse Liverpooli kundër Manchester Unitedit është gjithmonë ndeshje e madhe, tradicionalisht, mendoj se është derbi, sidomos tani kur dy ekipet po luftojnë për Ligën e Kampionëve”.
“Kur unë mposhti ekipe si Liverpooli atëherë lëvdatat janë më të mëdha. Shpresoj t’i mposhti edhe për herë të pestë dhe të gjashtë, por këtë do ta bëj më shumë për fansat sesa për vete”.