Denzel Dumfries, bëri një paraqitje mbresëlënëse në Kampionatin Botëror, sa trajneri i Holandës, Louis van Gaal e tregoi vlerësimin e tij me ‘një puthje të madhe’.
Dumfries ishte lojtari i ndeshjes pas fitores 3-1 ndaj SHBA-së këtë pasdite, pasi kishte dhënë dy asistime për Memphis Depay dhe Daley Blind përpara se të shënonte të tretin vetë.
Ishte një përmirësim i madh në paraqitjen e tij nga faza e grupeve të Kupës së Botës dhe trajneri Van Gaal zbuloi sekretin e kësaj kthese.
“Unë i dhashë një puthje të madhe një ditë tjetër dhe do t’i jap një tjetër që të gjithë ta shohin”, ka thënë trajneri i famshëm derisa përpara gazetarëve e puthi në faqe.
Dumfries qeshi për këtë, por gjithashtu iu kthye mediave duke folur për situatën e tij.
“Kemi marrë shumë kritika së fundmi dhe kjo ndeshje është një nxitje e mirë si për mua ashtu edhe për Blindin. Van Gaal ishte kritik ndaj nesh në pjesën e parë, pavarësisht faktit se ishim 2-0 në avantazh. Ai na tha se ishim shumë pasivë dhe duhej të bënim më shumë presion”, ka thënë mbrojtësi i Interit.
Netherlands manager Louis van Gaal kisses defender Denzel Dumfries to show his appreciation 🇳🇱 pic.twitter.com/omTxzQBNDU
— Sky Sports News (@SkySportsNews) December 3, 2022
Holanda do të takohet me Argjentinën në çerekfinale të Katar 2022. /Telegrafi/