Legjenda e Manchester United, Edwin Van der Saar, ka thënë se duhet t’i jepet më shumë kohë Louis Van Gaalit.
Sipas Van der Saarit, Van Gaal është njeriu i duhur i cili meriton edhe kohën dhe të mos vihet nën presion.
“Ata janë larg prej vendit të parë, por kanë edhe dy mundësi për trofe”.
“Në vitin e parë të Van Gaalit te Ajaxi, ekipi jonë nuk ishte i mirë. Por, në atë vit ne fituam UEFA Cup dhe përfunduam në vendin e katërt në kampionat”.
“Ka shumë mundësi për Unitedin ta fitojë Europa League dhe ata janë ende në FA Cup. Ata janë në luftë për vendet që dërgojnë në Ligën e Kampionëve. Nuk ka përfunduar ende asgjë”.
“Është kënaqësi t’i shohim lojtarët e rinj duke luajtur. Është me rëndësi që filozofia e klubit ta mbajë këtë gjë”, deklaroi Van der Saar për Daily Mail. /Telegrafi/