Këngëtarja e re e estradës, Valza Zhegrova, është bërë zëri i pëlqyer i shumë fansave.
Këtë verë, ajo solli një bashkëpunim me Kanitën të titulluar “Hala”, e që është kthyer pa dyshim në një nga hitet e sezonit veror.
Përveç sukseseve në jetën profesionale, të reja duket se ka edhe në jetën private të këngëtares 17 vjeçare.
Thuhet se ajo ka nisur një lidhje të re me avokatin prishtinas, Nazmi Vërtopi.
Lajmi është bërë i ditur nga disa faqe të fansave, të cilët kanë publikuar në Instagram një bisedë në një grup mes fansesh, ku e përfshirë ishte edhe vet nëna e Valzës, Sanije Zhegrova.
Teksa ndjekësit e pyesin se a është në lidhje, nëna e saj përgjigjet duke shkruar “Po”, teksa vetëm disa rreshta më poshtë tregohet edhe identiteti i mashkullit që duket se ia ka rrëmbyer zemrën këngëtares së re.
Disa nga faqet e fansave të Valzës, kanë publikuar edhe disa imazhe të përbashkëta të dyshes Valza dhe Nazmi, të cilët lënë edhe më tepër dyshime se gjërat mes tyre janë bërë edhe më serioze.
Nazmi Vërtopi, përveçse avokat është edhe protagonist në disa prej klipeve të mikut të tij, reperit Capital T. /Telegrafi/
