Artistja e njohur shqiptare, Valza Zhegrova, pak ditë më parë u komentua për një lidhje të mundshme me avokatin prishtinas, Nazmi Vërtopi.
Kjo u bë e ditur nga një faqe e fansave të saj në Instagram, të cilët zbuluan më shumë detaje dhe publikuan imazhe të përbashkëta të tyre.
Megjithatë, ajo së fundmi ka konfirmuar lidhjen dhe ka ndarë në Instagram një kolazh të fotografive të realizuara së bashku.
Ndonëse nuk ka shkruar asgjë në përshkrim të imazheve, krijuesja e hitit “Hala” duket mjaft e lumtur krah partnerit.
Ndërkohë, komentet dhe reagimet e ndryshme nuk munguan në hapësirën për komente as nga miqtë e ndjekësit e Zhegrovës.
Nazmi Vërtopi përndryshe është mik i mirë i një pjese të estradës, ndërsa ka qenë protagonist edhe në klipe të reperit Capital T. /Telegrafi/