Gazetari Valon Syla në “Debat Plus” ka zbuluar detaje për sulmin që është bërë ndaj tij pak ditë më parë derisa po ecte rrugës.
Syla thotë se sulmi ishte i organizuar dhe ai ishte munduar ta evitojë sa më shumë që të jetë e mundur një përplasje fizike.
Gazetari tregon se fillimisht sulmuesi e ka pyetur “a je ti Valon Syla?”, e më pas e kishte kapur për krahu dhe e ka goditur.
“Zakonisht mërgimtarët me ftojnë për kafe për të diskutuar këto gjëra që nuk pajtohemi, por nuk ka ndodhur që të më sulmojnë”, tha ai, përcjell Telegrafi.
“Unë nuk jam ndjerë i kërcënuar sepse ndryshe nuk do të ecja vetëm në rrugë…Ka pasur kërcënime në Facebook por nuk e kam pritur që do të organizohen për ndonjë sulm fizikë. Ndoshta e kanë bërë për llajka në Facebook pasi Valon Syla u “shpall” njeriu më i “urryer” në Diasporë”, tha ndër të tjera Valon Syla./Telegrafi/