Site icon Telegrafi

Valon Ahmendi, transferimi i ri i Rabotniçkit

Klubi i futbollit Rabotniçki ka njoftuar sot se ka arritur marrëveshje me Valon Ahmendin, një nga futbollistët më të njohur jo vetë në kampionatin vendor të Maqedonisë së Veriut, e i cili tani do të jetë një forcë e shtuar te “romantikët” e Shkupit, njofton Telegrafi.

Futbollisti 30 vjeç, Ahmendi ka arritur te Rabotniçki si lojtar i lirë pasi kishte mbyllur aventurën me Shkëndijën e Tetovës dhe sjell me vete një përvojë të pasur nga kampionatet më të forta evropiane. Ai është lojtar ofenziv i njohur për aftësinë e tij të jashtëzakonshme edhe në mesfushë, por mund të luajë po ashtu dhe në krahët e sulmit.

Në karrierën e tij, Ahmendi ka luajtur për klube të njohura, si Shkëndija, Sudtirol, Celje, Maribor, Kirjan Shmona, Inter Zapresic dhe Shakhtyor Soligorsk, duke lënë pas një eksperiencë të madhe të kompletuar me suksese. Ndryshe valon Ahmedi në vitin 2017, kishte dy paraqitje me Kombëtaren e Shqipërisë.

Me këtë transferim, Rabotniçki do të fitojë një lojtar me një shkathtësi të madhe dhe një karakter të fortë, të cilët do të ndihmojnë skuadrën të arrijë objektivat e saj të sezonit. /Telegrafi/

Exit mobile version