Ky shërbim mundëson dërgimin e mesazhit “Të lutem më thirr” duke thirrur *141*44 numrithirres#, në rastet kur kredia juaj është e pamjaftueshme për të realizuar thirrje apo për të dërguar SMS.
Me këtë risi konsumatorëve tonë iu afrohet një mundësi më tepër e komunikimit përmes Valës.
Vala me këtë lansim të ri, vetëm sa ka lehtësuar komunikimin për të gjithë konsumatorët e vet, thuhet në një komunikatë të këtij operatori telefonik. Kryeshefi ekzekutiv i PTK sh.a, Shyqyri Haxha me këtë rast ka deklaruar se përkushtimin e tij personal si udhëheqës i PTK po e çon në vend duke realizuar të gjitha kërkesat e konsumatorëve.
“PTK po e vazhdon strategjinë e saj që të realizoj kërkesat e konsumatorëve, VALA tashmë ka rreth 1 milion konsumatorë të cilët po e vërejnë orientimin tonë kah ata duke iu ofruar shërbime të mira dhe me çmime më të lira në tregun e telefonisë mobile në vend. Realizimi i kërkesave të konsumatorëve po na shpërblehet duke na mundësuar kështu që të realizojmë dhe ta tejkalojmë biznes planin”, ka pohuar Haxha. /Telegrafi/