Përveç pediatrit, vajzën e kanë kontrolluar edhe defektologu i spitalit dhe psikologu, por shkaktari i ndërrimit të gjuhës ende nuk dihet. Zyrtarët e spitalit thanë se ajo e fliste gjermanishten shumë më rrjedhshëm se që ka mundur ta mësonte në shkollë.
Neurpsikiatri Mijo Milas tha se ky rast për mjekësinë është i pashpjegueshëm, ndërsa vjen nga nënvetëdija e thellë. “Është e mundur se ka qenë e lidhur thellë me dikë që në afërsi të saj ka ruajtur këtë gjuhë. Ka shumë raste të regjistruara kur njerëzit pas kthimit nga gjendja pa vetëdije kanë filluar të flasin një gjuhë tjetër,” tha ai. /Telegrafi/