Një vajzë kosovare, e cila që nga shpërthimi i pandemisë kishte mbetur në Spanjë, sot do të kthehet në Kosovë.
Lajmin për kthimin e saj e ka bërë të ditur Ambasadori i Kosovës në Portugali, Ylber Kryeziu.
Ajo kishte mbetur në qytetin spanjoll Malaga, më shumë se dy muaj, që kur kishte shpërthyer pandemia COVID-19.
“Një vajzë e ngujuar në Malaga që nga shpërthimi i pandemisë në Spanjë, sot po kthehet ne Kosovë. Riatdhesimi i saj po ndodhë pas shumë përpjekjeve. I falenderoj të gjitha institucionet dhe njerëzit e involvuar në këtë proces. Vajzes i deshirojmë fluturim të mbarë dhe bashkim sa më të shpejtë me familjen!”, ka shkruar Kryeziu në Facebook. /Telegrafi/
