Si vajza e milionerëve, një adoleshente nga Chelsea, Londër ka jetuar një jetë me privilegje të paimagjinueshme.
Por, në episodin e radhës të një emisioni televiziv, Yasmine, 19, është zhvendosur tek një familje e cila mbijeton me vetëm 520 funte në muaj, familje e cila ishte larguar nga Meksika për të shpëtuar kartelet e drogës dhe dhunën.
E ndjekur nga kamerat, shkruajnë mediat britanike, përcjell Telegrafi, Yasmine, e cila ka një gardërobë të mbushur me çanta dizajnerësh të njohur, shpenzon deri në 800 funte në një mbrëmje dhe gëzon deri në pesë pushime në vit, përfshirë edhe atë me superjahtin e familjes së saj – ajo përballet me rrethana të reja; madje edhe duke përdorur një makinë larëse për herë të parë ndonjëherë.
Jeta me Sheilan, 24, dhe burrin e saj, Miguel, së bashku me dy vajzat e tyre Kiara dhe Kylie në banesën e tyre në Welwyn Garden City, Herfordshire, vjen si një goditje për studenten e re, pasi ajo ka për të mësuar se si të përgatis një javë me ushqime për një familje prej katër vetësh me një buxhet prej vetëm 40 funtesh.
E Yasmine thotë para kamerave se përvoja e re e ka bërë ‘të çmojë’ gjithçka që ajo ka.
Adoleshentja tha se ajo aplikoi për tu bërë pjesë e projektit, kështu që ajo mund të kuptonte se si jetonin njerëzit e tjerë, sepse ajo e dinte se ajo ishte shumë me fat që të kishte një mënyrë jetese të privilegjuar.
Duke arritur në banesë, Yasmine është tronditur nga zona, duke thënë se asaj as nuk i pëlqejnë ngjyrat e ndërtesave dhe pyet se pse nuk ka ndonjë dyqan mobiljesh në këtë zonë.
Ndërsa e zonja e shtëpisë, Sheila shpjegon se ajo nuk kishte zgjedhje tjetër se ku të jetonte, dhe për shkak se familja nuk ka makinë, ata shpesh i kalojnë ditët e tyre në ambiente të mbyllura.
Megjithatë, jeta në shtëpinë e tyre të vogël me dy dhoma gjumi është e preferueshme për atë që ata lanë pas në Meksikë, kur ajo ishte vetëm nëntë vjeç.
Sheila shpjegon: “Ne u larguam, me mamin dhe babanë, zgjodhëm të largohemi sepse Meksika po bëhej shumë e rrezikshme. Kishte shumë krime, ishim në rrezik. Ka pasur shumë dhunë … kartelet [atë që dëgjoni] është 100 për qind e vërtetë. Mamaja ime na solli këtu për të pasur një edukim më të sigurt”. /Telegrafi/