Albërie Hadërgjonaj ka qenë e martuar dhe nga ajo martesë tani ka dy vajza, Agnesën dhe Anxhelinën.
Këngëtarja është shkurorëzuar qe disa vite nga bashkëshorti, por me të vazhdon të ruajë një marrëdhënie të mirë e njëjta vlen edhe për vajzat.
Gjatë një interviste në emisionin Një kat më lart, vajza e madhe e këngëtares, Agnesa, është pyetur për marrëdhënien me babanë.
Ajo ka treguar se takohet thuajse çdo ditë me të atin pasi jeton në Tiranë, ndryshe nga Albëria dhe Anxhelina, të cilat jetojnë në SHBA.
“Ne kemi qenë të vogla, por e kuptonim. Marrëdhëniet me babin, edhe ne, edhe mami, i kemi shumë të mira. E takoj gati përditë, ishte një gjë e shëndetshme për të gjithë”, është shprehur Agnesa, citon IN TV.
Ajo ka theksuar më tej se prindërit e tyre takohen me raste dhe kanë raporte të mira, përkundër se nuk janë më bashkë.
Ndërkaq, Albëria në një intervistë të mëparshme kishte thënë se bashkëshortin e kishte dashur shumë.
