Kur dëgjoi se babai i saj kishte sëmundjen e Alzheimerit, një vajzë e quajtur Isabel vendosi të bënte një tatuazh në krahun e saj.
Vizatimi ka një vlerë të madhe emocionale për të, sepse simbolizon dashurinë dhe mbështetjen e palëkundur për të atin, dhe video në të cilën ajo ia tregoi babait të saj u bë virale.
“1952 është viti kur ke lindur, dhe ka dy valë – njëra jam unë dhe tjetra je ti”, i thotë Isabel babait të saj teksa i tregon tatuazhin në krahun e saj.
“Kjo është kaq e ëmbël”, i thotë babai i saj, dhe ajo më pas e pyet, “A e di pse dallgët?”
“Më pëlqejnë dallgët”, përgjigjet ai.
“Dalgët janë sepse shkuam me lundrim, ti më mësove të lundroj. Ky është kujtimi im i preferuar me ty,” i shpjegon Isabel babait të saj, i cili buzëqesh dhe ia shtrëngon butësisht shpatullën.
Në fund babai shpërthen në lot dhe i thotë vajzës fjalë të thjeshta por të fuqishme, “Të dua”.
Videoja ka mbledhur mbi 18 milionë shikime. /Telegrafi/