Ditët e lodhshme të stinës së vjeshtës, netët e shkurtra dhe me shi mund t’i kaloni në mënyrë paksa më të këndshme sesa t’i lini ashtu siç edhe në të vërtetë janë. Sipas mjekëve gjatë kësaj periudhe kohore në shtëpitë tuaja mund të sillni vullnetin përmes aromave të ngrohta e të këndshme.
Aroma pos se e bën më të këndshëm ambientin dhe atmosferën ku jetoni, gjithsesi se e forcon edhe sistemin tuaj imun, si dhe ndihmon në kujtimin e momenteve të bukura nga e kaluara. Sidomos sugjerohet aroma e freskët e ngrohtë e portokallit të qëruar, derisa mund të përdorni edhe vajin eterik. Për shembull, lehtëson pengesat në tretje, është i mirë për një lëkurë të shëndetshme, por edhe në shërimin e dermatitit dhe plagëve. Po ashtu ndihmon në zvogëlimin e simptomave të depresionit, pagjumësisë si dhe ndikon në normalizimin e shtypjes së gjakut.
/Telegrafi/