“Nuk shohim asnjë arsyetim për taktizimet që shfrytëzohen në Kuvend për shtyrjen e zgjedhjes së kryetarit të ri dhe formimit të qeverisë së re”, thuhet në deklaratën e përbashkët të tre eurodeputetëve Ivo Vajgl, Eduard Kukan dhe Knut Fleckenstein, pas takimit me ministrin e punëve të jashtme të Maqedonisë, Nikolla Poposki, njofton Telegrafi Maqedoni.
“Si anëtarë të Parlamentit Evropian që kanë mbështetur gjitha përpjekjet për të tejkaluar krizën aktuale dhe që kanë punuar fortë për mbështetje të perspektivës evropiane për qytetarët e Maqedonis, jemi thellë të brengosur që kriza po shtyhet pa arsye me pasoja të mëdha për shteti, duke përfshirë edhe përkeqësimin e marrëdhënieve ndëretnike”, thuhet në kumtesën e eurodeputetëve.
Ata gjithashtu thonë se sot pasdite me fillim në orën 20 do të diskutojnë për anëtarësimin e Maqedonisë në BE dhe problemet me të cilat ballafaqohet shteti për integrim në organizatat euroatlantike./Telegrafi/