Një javë pas përmbylljes me sukses të dy konferencave nga fusha e bujqësisë dhe veterinarisë, sot Fakulteti i Teknologjisë Ushqimore dhe të Ushqyerit i Universitetit të Tetovës organizoi Kongresin ndërkombëtar për shkencat dhe teknologjinë bimore IPSAT 2017, në bashkëpunim me Qendrën Kërkimore Shkencore “Nobel” nga Republika e Turqisë, përcjell Telegrafi Maqedoni.
Në emër të Universitetit të Tetovës dhe Rektorit Prof.Dr. Vullnet Ameti pjesëmarrësve në kongres me fjalim përshëndetës ju drejtua profesori i Fakultetit të Tekonologjis Ushqimore dhe të Ushqyerit, Doc.Dr. Erhan Sulejmani.
‘Universiteti ynë mburret që është organizator dhe nikoqir i kësaj konference, ku janë tubuar mbi 50 ekspertë të njohur nga vende të ndryshme. Në këtë konferencë do të trajtohen tema të ndryshme nga biokimia, epigjenetike, biologjia e sistemeve, hulumtimet në terren nga shkenca e bimëve,etj.’ u shpreh Sulejmani.
Ndërsa kryetari i Qendrës Kërkimore Hskencore “Nobel” nga Turqia, Prof.Dr. Mehmet Karatash e vlerësoi Kongresin Ndërkombëtar për Shkencat dhe Teknologjitë Bimore IPSAT 2017 si një platformë ideale për hulumtuesit nga këto fusha shkencore dhe tha se gjatë dy ditëve të ardhshme do të prezantohen risitë teknologjike dhe rezultatet e hulumtimeve më të reja nga fiziologjia dhe biokimia e kulturave bimore./Telegrafi/