Forca e Sigurisë së Kosovës (FSK) ka përfunduar me sukses ushtrimin fushor “Arrow Delta 01″, në kuadër të ngritjes së kapaciteteve luftarake të saj.
Ushtrimi është realizuar nga Kompania e Shtabit (KSH) e Regjimentit të Tretë (R3K) të Këmbësorisë së Forcave Tokësore.
Në njoftimin e FSK-së thuhet:”Qëllimi i ushtrimit ishte testimi i kapaciteteve të togut të rikonicionit dhe togut të mortajave në mbështetje të operacioneve mbrojtëse, si dhe testimi i kapaciteteve të liderëve kyç”.
FSK-ja po vazhdon të ngritë kapacitetet operacionale duke u bazuar në praktikat dhe përvojat më të mira të vendeve partnere, të cilat ndihmojnë forcën me përvojat e tyre të avancuara. /Telegrafi/
