Dy raketa u qëlluan nga Libani drejt Izraelit verior, tha ushtria izraelite në orët e para të së martës.
Sipas mediave të huaja, përcjell Telegrafi, njëra u përgjua nga sistemi i mbrojtjes së Kupolës së Hekurt, ndërsa tjetra ra në një zonë të hapur brenda Izraelit, kanë shkruar Forcat e Mbrojtjes së Izraelit në Twitter.
Si përgjigje, Izraeli goditi objektivat në Liban.
Sirenat u vendosën në zonat kufitare të Izraelit por nuk u raportuan lëndime ose dëme, sipas mediave lokale.
Ndërkohë një burim i sigurisë libaneze, duke folur në kushte anonimiteti, tha se një grup palestinez mund të jetë prapa nisjes së raketave, e cila u zhvillua nga një zonë në jug të qytetit port të Tiros në Liban.
Zyrtarët e ushtrisë izraelite thanë gjithashtu se fraksionet palestineze në Liban mund të jenë përgjegjëse.
Forcat e Përkohshme të Kombeve të Bashkuara në Libanin e Jugut (UNIFIL) thanë se sulmi ndodhi në agim dhe se ai ndodhi nga një zonë në veri-perëndim të al-Qulaylah. /Telegrafi/