Forcat amerikane të dërguara në Siri, së bashku me luftëtarët kurdë janë duke zhvilluar një ofensivë kundër grupit terrorist të ISIS-it, në provincën e Raqës.
Reporterët në terren bëjnë të ditur se ushtarakët amerikanë, sot për të dytën ditë janë duke zhvilluar sulmet kundër grupit terrorist, të cilat ishin nisur nga forcat kurde dhe ato arabe.
Sipas tyre, rreth 20 ushtarë amerikanë gjenden në veri të qytetit të Raqës, i cili njihet si bastioni kryesor i ISIS-it.
Po ashtu, komandantët e forcave kurde në këtë zonë, konfirmuan praninë e ushtarëve amerikanë.