Një ushtar në SHBA është arrestuar pasi vjedh një automjet të blinduar ushtarak dhe detyron policinë që ta ndjekin për rreth dy orë, përmes një qyteti të ngarkuar.
Sipas mediave të huaja, përcjell Telegrafi, automjeti është marrë nga baza e Gardës Kombëtare Ford Pickett në Virxhinia të martën dhe është drejtuar me shpejtësi përmes kryeqytetit të shtetit, Richmond.
Disa pamje të publikuara në rrjetet sociale tregojnë më shumë se një duzinë të veturave policore në ndjekje të transportuesit të personelit, i cili nuk ishte i pajisur me asnjë armë.
Për fat të mirë nuk është raportuar për ndonjë të lënduar e as për ndonjë dëm material.
Siç bëhet e ditur, ndjekjes dramatike i erdhi fundi kur shoferi e çoi automjetin në një rezervë qendrore dhe u rrethua nga policia.
“Makina ushtarake – e cila nuk është një tank – ishte vozitur me shpejtësi maksimale prej afro 40mph (65kmh)”, kanë bërë të ditur autoritetet, duke shtuar se ajo i përkiste Gardës Kombëtare të Virxhinias. /Telegrafi/
This is INSANE! Someone has hijacked a “Tank-like” vehicle from Fort Pickett and just drove it by our apartment! This is on Broad Street in the Fan. pic.twitter.com/EYfhFux1dk
— Parker Slaybaugh (@ParkerSlay89) June 6, 2018