Nëndetësja me fibra xhami që është gjetur nga ushtarët në Kolumbi, besohet se është shfrytëzuar për të transportuar kokainë, që në treg do të arrinte vlerën e mbi 100 milionë eurove.
Këtë nëndetëse të gjatë 17 metra, e gjetën të braktisur në një xhungël në Bajo Baudo, që ndodhet në kufi më Panamanë, transmeton Telegrafi.
Autoritetet mendojnë se lundra ishte e gatshme të ngarkohej dhe të fillojë lundrimin për në brigjet e Paqësorit, ndërsa nuk dihet pse është braktisur.
Sipas zyrtarëve të njësitit që e gjeti dhe e transportoi në barakën e tyre, për këtë nëndetëse janë shpenzuar rreth dy milionë euro, ndërsa ishte gati të vihej në funksion.
Gjatë kontrolleve të mëhershme, janë gjetur nëndetëse të ngjashme, që janë të lira për ndërtim, ndërsa praktike dhe diskrete për të realizuar transportet.
Lidhur me këtë nëndetëse që ka kapacitet të transportojë afro tre tonelatave kokainë, nuk është bërë ende asnjë arrest, ndërsa është shkatërruar në tërësi. /Telegrafi/
