Femrat që kanë shërbyer në forcat e armatosura të Amerikës, tregojnë tmerret që ato kanë kaluar gjatë shërbimit në ushtri dhe që po kalojnë edhe tani.
Një nga këto veterane, Lurae Horse, shërbeu në Forcat Ajrore të Shteteve të Bashkuara si mekanike, ku punoi në bombarduesin B-29.
Sipas saj, ajo u përdhunua nga një shok i skuadrës. Më pas, gruaja me lot në sy tregon se nuk kishte paraqitur një ankesë zyrtare për incidentin e ndodhur.
“Unë thjesht tërhoqa pantallonat dhe u ktheva në punë,” tha ajo.
Por, vuajtjet e këtyre veteraneve femra nuk shterojnë me mbarimin e shërbimit ushtarak.
Shumë prej tyre kanë mbetur të pastreha dhe jetojnë në vende të mjerueshme.
Një tjetër veterane, Alishaa Dell, tregon se ka mbetur e pastrehë pasi ka kaluar pesë vjet në marinën amerikane.
Sipas Koalicionit Kombëtar për Veteranë të Pastrehëve në SHBA, gratë aktualisht përbëjnë tetë për qind të popullatës së përgjithshme veterane dhe 14.6 për qind të ushtrisë aktive, ndërsa pritet që këto shifra të rriten në rreth 16 për qind deri në vitin 2035.
Në dritën e këtyre tendencave, numri i veteraneve femrave të pastreha është dyfishuar nga 1,380 në vitin 2006 në 3,328 në vitin 2010.
Shkrimi i plotë: KËTU.
