Mbi 30 për qind e ushtarakëve të lartë janë tepër të trashë, derisa pamje fizike e çdo të katërtit ushtarak vlerësohet si “e pakënaqshme”, ka thënë zëdhënësi i Ministrisë së Mbrojtjes Vyacheslav Sedov.
Pesha e tepërt te një numër i madh i ushtarakëve është vërtetuar gjatë testeve sportive gjatë dy muajve të fundit, kur ata është dashur të vraponin një kilometër për më pak se 4 minuta dhe të notonin 100 metra për 3 minuta e 45 sekonda, ka shtuar ai dhe ka precizuar se ushtarëve u janë rekomanduar aktivitete të rregullta trupore.