Berat Gjimshiti është njëri nga mbrojtësit më të mirë në futbollin italian.
Mbrojtësi shqiptar është një nga lojtarët më të rëndësishëm te Atalanta, ku luan si titullar i padiskutueshëm.
Atalanta ka kaluar në finalen e madhe të Kupës së Italisë, pas 3-1 ndaj Napolit në ndeshjen e dytë gjysmëfinale.
E për Berat Gjimshitin kjo ndeshje ka qenë e veçantë, për faktin se ishte ndeshja numër 100 me fanellën zi kaltër të Atalantës.
Klubi bergamask nuk ka ngurruar ta uroj yllin shqiptar për këtë paraqitje jubilare me ta.
“Aspak keq të festosh kështu ndeshjen e 100-të me ngjyrat zikaltër. Komplimente Berat”, ka shkruar faqja e Atalantës duke iu referuar fitores dhe kalimit në finale.
Gjimshiti ishte ndër lojtarët më të kërkuar te Atalanta, por klubi zikaltër nuk deshi të dëgjoj për ofertat, pasi e konsiderojnë mbrojtësin shqiptar si njërin nga lojtarët më të rëndësishëm të tyre. /Telegrafi/
Niente male celebrare così la 💯ª presenza in nerazzurro! 😉 Complimenti Berat!! 🖤💙
Not a bad match to make your 💯th appearance for #Atalanta! 🚀 Congratulations Berat!! 👏🏼⛰
📊 Stats by @footballdata_fi #AtalantaNapoli #GoAtalantaGo ⚫️🔵 pic.twitter.com/2zoevMCl12
— Atalanta B.C. (@Atalanta_BC) February 11, 2021