Ishulli i Dominikës është goditur nga forca e plotë e uraganit Maria, para se stuhia të kaloi në territorin amerikan, me ç‘rast ka lënë 15 të vdekur.
Zëdhënësi i Qeverisë, Charles Jong tha se Maria ishte përvoja më e tmerrshme, të cilën ai e kishte përballuar pavarësisht se kishte parë edhe shumë uragane të tjera.
Ai tha se vendi është pa energji elektrike, pa ushqime dhe pa ujë, dhe se populli i Dominikës ka kaluar “në mënyrën e mbijetesës”.
Jong po ashtu ka bërë të ditur se ka shumë vërshime në ishull, dëmtime të shtëpive, rrëzim të drunjëve dhe dëme tjera.
