Nga efektet e Uraganit Maria, i cili goditi Karaibet, kanë humbur jetën 27 persona, raporton Anadolu Agency (AA).
Në Dominikë, humbën jetën 15 persona, në Porto Riko gjashtë, në Haiti tre, një në ishullin Guadalupe dhe dy në Republikën Dominikane. Zyrtarët e Haitit thanë se stuhia Maria goditi zonat veriore të vendit.
Ata theksuan se dy persona në zonën Cornillon humbën jetën si pasojë e goditjes së rrufesë, dhe një person ka humbur jetën gjatë përpjekjes për të kaluar lumin.
Uragani shkaktoi rritjen e nivelit të ujit të lumenjve në Republikën Dominikane ku janë dëmtuar shumë ura dhe rrugë. Po ashtu rreth 300 mijë shtëpi kanë mbetur pa energji elektrike.
Zyrtarët thonë se rreth 110 mijë shtëpi në mbarë vendin kanë mbetur nën ujë, dhe se janë evakuuar së paku 18.500 njerëz.