Kryetari i bashkisë së qytetit meksikan të Cuernavaca po inauguronte me krenari një urë mbi një përrua të martën kur ura u shemb, duke bërë që ai dhe shumë të tjerë të bien në një kanal.
Sipas mediave të huaja, përcjell Telegrafi, ura e bërë me dërrasa dhe zinxhirë metalikë ishte rimodeluar së fundmi.
Qeveria e qytetit të Cuernavaca tha në një deklaratë se katër anëtarë të këshillit të qytetit, dy zyrtarë të tjerë të qytetit dhe një reporter lokal u lënduan dhe u desh të nxirren me barela nga gryka dhe u dërguan në spitalet lokale.
Nuk kishte asnjë informacion të menjëhershëm për gjendjen e tyre.
Qyteti tha se kryebashkiaku José Luis Urióstegui u dërgua në spital dhe ai kishte “lëndime të lehta dhe është jashtë rrezikut”.
Ecja e zyrtarëve dhe gazetarëve në urë gjatë inaugurimit mund të ketë tejkaluar kapacitetin e saj të planifikuar.
Cae alcalde de Cuernavaca, José Luis Urióstegui y su esposa durante la reinauguración del paso Rivereño en Amanalco, el puente colgante se rompió, también están lesionados regidores y la Síndico
Información: @Reportero1965 pic.twitter.com/x60I7b0GIB— Nueve Morelos (@TelevisaMorelos) June 7, 2022
Cuernavaca, e vendosur vetëm në jug të Mexico City, ka qenë prej kohësh një ikje fundjave për banorët e kryeqytetit për shkak të bollëkut të ujit dhe klimës së qetë.
Ura e këmbësorëve ishte pjesë e një shëtitjeje lumi përgjatë një prej përrenjve të shumtë të qytetit. /Telegrafi/