Manchester Unitedi ka mundësi të nënshkruar me mbrojtësin gjerman të Bayern Munichut, Jerome Boateng.
Djajtë e Kuq janë në treg për një qendërmbrojtës para nisjes së sezonit të ri 2018/19.
Gjiganti anglez provoi të transferojë Harry Maguiren e Leicester Cityt, por ofertat deri në 70 milionë euro për të u refuzuar.
Sipas Daily Mail, klubit nga Old Trafford tani i është oferuar mundësia e transferimit të qendërmbrojtësit të Bayernit, Boateng.
Qendërmbrojtësi gjerman vlerësohet 50 milionë funte apo 57 milionë euro dhe kjo shifër nuk shihet si problem për skuadrën angleze.
Skuadra e Jose Mourinhos është gjithashtu në garë për mbrojtësin e Barcelonës, Yerry Mina, pasi klubi do të tentojë të afrojë një profil të lartë deri në mbylljen e afatit kalimtar.
Por, United tani mund të vendosë të lëvizë për Boateng, me Bayernin e hapur për shitjen e 29-vjeçarit gjerman, i cili më parë ka shprehur dëshirën për të kërkuar një sfidë të re. /Telegrafi/