Unitedi i Solskjaerit nuk thyhet as nga Tottenhami, De Gea dhe Rashford vendimtar në fitoren e Djajve

Shkumbin Pireva

6 years ago

Manchester Unitedi ka arritur të fitojë në udhëtim te Tottenham Hotspur me rezultat minimal 1-0 në ndeshjen derbi të javës së 22-të të Ligës Premier.

Unitedi i Ole Gunnar Solskjaer ka arritur edhe fitoren e pestë radhazi në Ligën Premier, pasi kësaj radhe kanë mposhtur ekipin e Mauricio Pochettinos.

Pjesa e parë e ndeshjes u karakterizua me lojë më të mirë nga vendasit, por ishin vetëm mysafirët që gjetën golin.

**Pochettino dhe Solskjaer duke u përshëndetur para ndeshjes** (Foto: Clive Rose/Getty Images/Guliver)

Rasti i parë për Tottenhamin erdhi pas vetëm nëntë minutave, por Harry Wings humbi i vetëm përball portierit, ndërsa Harry Kane (31′) gjeti golin, i cili u anulua për pozitë jashtë loje.

Kur pritej që skuadrat të shkonin në pushim në skenë doli Marcus Rashford (44′), i cili shënoi për 0-1 pas asistimit të Paul Pogbas dhe dërgoi skuadrën e tij në pushim me epërsi minimale.

**Festa e Rashford pas golit të shënuar (**Foto: Clive Rose/Getty Images/Guliver)

Edhe pjesa e dytë foli në të mirë të Tottenhamit, të cilët patën shumë raste për gol, por shpëtimtari i Djajve të Kuq ishte portieri De Gea.

Dele Alli (66′) pati rast të mirë i vetëm me portierin, ndërsa Toby Alderwiereld (70′) ishte afër golit, por të në të dy rastet portieri spanjoll shpëtoi Unitedin.

**De Gea u tregua vendimtar duke bërë disa pritje të jashtëzakonshme** (Foto: Mike Hewitt/Getty Images/Guliver)

De Gea u tregua vendimtar edhe në goditjen e Harry Kane në minutën e 86-të dhe atë të Fernando Llorentes (89′) duke pritur goditjet e tyre dhe kështu Unitedi në fund fitoi me rezultat minimal 1-0.

Pas kësaj fitore, Unitedi ka 41 pikë në vendin e gjashtë apo vetëm gjashtë pikë më pak se vendim i katërt Chelsea, ndërsa Tottenhami renditet i treti me 48 pikë.

Në ndeshjen e radhës, Spurs luajnë në udhëtim te Fulhami, ndërsa Unitedi e pret në shtëpi Brightonin. /Telegrafi/

https://twitter.com/UnitedDailyBlog/status/1084500132559839233

https://twitter.com/IgnasioKeid/status/1084505237015220225

Good save by @D_DeGea #ManUtd pic.twitter.com/ogwX4A60x8

— tomson (@tomsonam) January 13, 2019

Wtf Dave #DaveSaves pic.twitter.com/rBYw5Plw3n

— 🔰Ignasio 🧡 Force au Mali 🇲🇱✊🏽💪🏽 (@IgnasioKeid) January 13, 2019

De Gea’s 8th save in #TOTMNU #Spurs #United #BarçaEibar #Kotoko pic.twitter.com/4PBGySbsva

— Leoduro Two-Dat🇬🇭 (@LTwodat) January 13, 2019

https://twitter.com/KIoppology/status/1084511434153881601

https://twitter.com/KIoppology/status/1084514465570271232