Manchester Unitedi ka rikthyer interesimin për mbrojtësin e Napolit, Kalidou Koulibaly.
Djajtë e Kuq ka disa afate radhazi që tentojnë transferimin e mbrojtësit senegalez, derisa skuadra italiane po kërkon një shumë të lartë.
Sipas Daily Express, Unitedi e ka bërë prioritet transferimin e Koulibalyt, mirëpo janë në dijeni se në janar nuk mund ta realizojnë transferimin e tij.
Aurelio de Laurentiis ka bërë të ditur në këtë verë se ata janë të gatshëm që ta shesin senegalezin, vetëm nëse pranojnë shumën e 120 milionë eurove.
Skuadra angleze është e gatshme që t’i paguajë 90 milionë euro për transferimin e 28-vjeçarit, por që duhet të presin deri në verën e vitit 2020.
Unitedi në këtë verë që shkoi e transferoi Harry Maguiren nga Leicesteri për shumën rekorde 87 milionë euro, derisa forma e tyre e dobët ende po vazhdon. /Telegrafi/