Manchester Unitedi ka trokitur në dyert e Sporting Lisbonës me një ofertë të re për mesfushorin, Bruno Fernandes.
Djajtë e Kuq janë të interesuar të përforcojnë skuadrën e tyre për vazhdimin e sezonit pasi synimi i tyre kryesor është rikthimi në Ligën e Kampionëve.
Mesfushori portugez, Bruno Fernandes është emri më i pëlqyer i drejtuesve nga Old Trafford dhe tash e një kohë po mundohen ta transferojnë.
Bisedimet mes palëve po vazhdojnë për tarifën përfundimtare që ata do të paguajnë për 25-vjeçarin.
Sipas mediumit të njohur A Bola, Manchester Unitedi ka bërë një ofertë të re prej 55 milionë eurosh për mesfushorin e Sportingut.
Nëse pranohet, oferta e fundit e Unitedit përfshin premtimin e bonuseve prej 10 milionë eurosh nëse Fernandes arrin objektiva të caktuara . /Telegrafi/