Manchester United ka arritur të triumfojë në ndeshjen e xhiros së dhjetë të Ligën Premier.
Djajtë e Kuq kanë shënuar fitore para shikuesve të vetë në stadiumin “Old Trafford” kundër Totenham Hotspurs me rezultat 1-0.
Megjithëse të besuarit e Jose Mourinhos dominuan në ndeshje e sotme, në pjesën e parë nuk arritën të tundin portën e kundërshtarëve.
United kishte të vetmin rast që vlen të theksohet në minutën e 12, kur goditjen e Marcus Rashford nga afërsia e ndali Hugo Lloris.
Edhe në pjesën e dytë vendasit krijuan më tepër raste, por të cilat nuk u konkretizuan deri dhjetë minuta para përfundimit të takimit.
Romelu Lukaku nuk mund të dërgoi topin në portë në të 73 minutë ndërsa një rast të mirë e pati edhe Antonio Valencia.
Në anën tjetër, Delle Alli në të 76 minutë nuk mundi t’i ndërroj krahun topit për ta dërguar në rrjet.
Padyshim që një ndër rastet më të mira në ndeshje e pati Lukaku, i cili në minutën e 78 e goditi shtyllën vertikale të portierit francez të Spursave.
Por, goli u realizua dy minuta më vonë, kur topin e rikthyer në lojë nga ana e David de Geas, Romelu Lukau e dërgoi me kokë te Anthony Martial, i cili nuk gaboi para portës së Tottenhamit.
Deri në fund të ndeshjes më nuk pati raste për tu veçuar dhe kështu, takimi përfundoi me rezultatin 1-0 për Unitedin.
Pas kësaj, United ka 23 pikë dhe zë pozitën e dytë gjersa Tottenham renditet në vendin e tretë me 20 pikë. /Telegrafi/
https://youtu.be/FHlVxcwtoU4?t=2
https://youtu.be/LJk2T9CemuI?t=4