Jadon Sancho ka qenë njëri nga lojtarët më të përfolur në tregun e transferimeve gjatë vitit 2020.
Borussia Dortmund nuk deshi të dëgjojë për ofertat nën 100 milionë euro dhe kësisoj lojtari mbeti pjesë e verdhezinjve.
Por forma e tij është larg më e dobët se vitin e kaluar dhe kësisoj çmimi i tij ka filluar të bije.
Sancho nuk ka shfaqur gjithë potencialin që ka dhe natyrisht edhe çmimi i tij ka rënë ndjeshëm.
Klubi gjerman vazhdon të shpresojë se do të marrë rreth 100 milionë euro, por nga ana tjetër Manchester United është duke përgatitur një ofertë shumë më të ulët.
Eurosport ka njoftuar se Djajtë e Kuq do të ofrojnë 57 milionë euro në verë për transferimin e Sanchos.
United nuk mendon se Sancho vlen më shumë, edhe pse vështirë se do të pranohet kjo ofertë nga BVB.
Vlen të theksohet se interesim për lojtarin anglez kanë shprehur edhe skuadrat tjera si PSG e Chelsea. /Telegrafi/