Mijëra qytetarë sot i’u bashkuan maratonës “ColoRRun” prej dhjetë kilometrave në qytetin e Shkupit, aktivitet ky i cili ka për synim promovimin e lumturisë, shëndetit dhe individualitetit.
Maratona u zhvillua më iniciativë të Shoqërisë së Sigurimeve “UNIQA Maqedoni’, e cila kishte siguruar dhe dhurata për secilin pjesëmarrës.
“Me garën e sotme u përpoqëm të promovojmë disa nga shprehitë e shëndetshme që duhet t’i praktikojmë të gjithë. Sot dëshmuam se konkurrenca dhe gara janë të rëndësishme, por e rëndësishme është edhe miqësia apo shoqërimi së bashku! Ne dëshmuam se ekipi i UNIQA-s është më i miri dhe më i zëshmi për të bërë tifo në pistë, por më i shpejti në vetë pistën. UNIQA për çdo pjesëmarrës të garës ColoRRun siguroi një dhuratë të veçantë. Gara ngjalli më shumë interes se sa pritej dhe kjo rezultoi me frekuentimin më të lartë në stendën tonë”, tha Driton Azizi, Drejtor i Përgjithshëm i “Shoqërisë të Sigurimeve UNIQA SH.A. Shkup”.
Ky ishte edicioni i dhjetë i maratonës ColoRRun, me pjesëmarrjen e mbi tetë milion garuesve në më shumë së 50 shtete të botës.
Kujtojmë se UNIQA si një kompani e dëshmuar tashmë në tregun vendor, ofron për qytetarët gjithmonë ofertat dhe produktet më të mira të sigurimeve.
