Mesfushori i Paris Saint-Germain, Marco Verratti ka pohuar se është bërë djalë i mirë disiplinore.
Reprezentuesi italian sezonin e kaluar është ndëshkuar në 14 raste me karton të verdhë në Ligue 1 dhe Ligën e Kampionëve, për dallim nga ky sezon, vetëm dy herë është ndëshkuar me kartonë të verdhë.
” Unë e kam mbyllur gojën. Jam pjekur, por ende jam duke mësuar”, Verratti shpjegoi për “The Guardian”.
“E kam vërejtur se shpeshherë polemikat dhe ndërhyrjet e mia ishin të panevojshme dhe në këtë formë e kam mbyllur gojën”.
“Unë e kam mësuar edhe gjuhën frënge dhe kështu tani shprehem më mirë. Para kësaj, mendoj se gjyqtarët nuk më kuptonin”, tha Verrati para takimit me Chelsean.
PSG dhe Chelsea do të takohen nesër me fillim në ora 20:45 në Stamford Bridge, në kuadër të takimit të dytë të 1/16 të Ligës së Kampionëve.
Kujtojmë se skuadra franceze ndeshjen e zhvilluar në Paris e kishte fituar me rezultat 2:1. /Telegrafi/