Ulpiana Lama sociologe, personalitet televiziv për shumë vite dhe në dekadën e fundit diplomate, me aktivitetin e saj si e ngrkuar me punë në Ambasadën e Kosovës ne Tailandë, përpiqet të sjellë Kosovën sa më pranë tailandezëve dhe kjo ka ndodhur edhe në një natë përrallore e shfaqjes Thai Silk Road (Rruga Tailandeze e Mëndafshit), organizuar për nder të 90-vjetorit të nënës mbretëreshë, Mbretëreshës Sirikit të Tailandës dhe përkushtimit të saj të dokumentuar mirë për zhvillimin dhe promovimin e produkteve të mëndafshit tailandez në nivel ndërkombëtar.
Në bashkëpunim me nxënës dhe mësues të një shkolle profesionale, Ambasada u përpoq të sjellë një shkrirje mbresëlënëse të traditave të dy vendeve, Kosovës dhe Tajlandes.
Në një postim të Ulpiana Lames në lidhje me këtë aktivitet, ajo shkruan: “Frymëzimi i këtij viti ka marrë nga Këngët e Heronjve (Eposi Kreshnikëve) një cikël mahnitës prej rreth gjysmë milioni vargje të mbledhura me kalimin e kohës nga priftërinjtë françeskanë shqiptarë, më pas nga studiues të huaj si Maximilian Lambertz, Milman Parry dhe Albert Lord në vitet 1930 dhe së fundmi nga Anton Çeta dhe të tjerë”.
Ndërkohë, Lama në këtë mbrëmje është dukur me detaje të Hyjneshes në Fron, pastaj hartes së Kosovës, etj. Një shenjë solidariteti gjithashtu, një deklaratë e asaj që ne mbrojmë, përkatësisht Pro Ukrainës – lulediell.
Ulpiana Lama në këtë natë organizuar për nderë të Mbretëreshes Sirikit, dukej jashtëzakonshëm, si gjithmonë me shumë sharm dhe elegancë. /Kosovarja/
