Personat e shëndoshë (obezë) kanë një rrezik shumë më të madh për të pasur probleme me veshkat, ndërsa hulumtimet e hershme kanë treguar se ulja e masës së tepruar trupore ndikon pozitivisht në diabet, hipertension, përqendrimin e kolesterolit në gjak dhe me këtë edhe në sëmundjet e zemrës.
Të dhënat e reja, të bazuara në 13 rezultate të hulumtimeve të mëhershme, thonë se humbja e shumë kilogramëve çon në uljen e nivelit të proteinave, të cilat shërbejnë si markerë (tregues) për dëmtimet në veshkë.
Krahas kësaj, ulja e masës së tepruar trupore ka një efekt parandalues në dobësimin shtesë të funksionit të veshkave, shkruan Clinical Journal of the American Society Nephrology.