Në javën e parë të muajit Janar, numri i të sëmurëve nga gripi sezonal në Veles ka arritur 210 persona, njoftoi Qendra për Shëndet Publik, përcjell Telegrafi Maqedoni.
“Me këtë është shmangur që të shpallet epidemi në Veles, për shkak të numrit të madh të të sëmurëve në javën e fundit të dhjetor, kur numri arriti deri 1,123 persona të sëmurë nga gripi”, deklaroi mjekja Biljanka Trajkova.
Ajo tha se për shkak se është ulur numri i të sëmurëve, është larguar rreziku për shpallje të gjendjes së epidemisë dhe porositi që qytetarët të vazhdojnë të kenë kujdes, për shkak se siç tha, sëmundja akoma është e pranishme./Telegrafi/