Deri në fund të vitit 2008, kompania e tretë celulare "Eagle Mobile", synon të ketë një numër prej rreth 70 mijë abonentësh.
Madje, kompania turke ka në plan ta rrisë më tej këtë numër, duke përmirësuar çdo ditë e më shumë shërbimin dhe tarifat bisedore.
Drejtori i përgjithshëm i kompanisë, Ali Taskin, u shpreh se po punohet me intensitet të plotë, në mënyrë që abonentit t‘i ofrohet shërbim i mirë dhe cilësor, përveç tarifave konkurruese.
"Kur dolëm në treg, në muajin mars 2008, kompania hyri në konkurrencë me dy shoqëritë e tjera, duke ulur mesatarisht me 25% tarifat celulare. E njëjta gjë po bëhet aktualisht nëpërmjet paketave ‘Proring’".
Aktualisht, shoqëria mbulon 95% të popullsisë.
Në Shqipëri operojnë tre operatorë të telefonisë mobile: Vodafone,AMC dhe së fundit operatori i tretë Eagle Mobile.
Dhe pse në kushtet e një konkurrence, qytetarët e Shqipërisë paguajnë çmime super të larta për komunikim në telefonin mobile.